Monthly Archives: June 2024

Quwırshaq teatr jámááti “Aral balaları” hám “Gulshan” jazǵı dem alıw oraylarına bardı.

26-iyun kúni Qaraqalpaq mámleketlik quwırshaq teatrı balalardıń jazǵı dem alıs waqıtların kewilli ótkeriw máqsetinde Ellikqala rayonında jaylasqan “Aral balaları” “Gulshan” jazǵı dem alıw oraylarına mádeniy-dóretiwshilik xızmet saparların shólkemlestirdi hám dem alıw orayındaǵı balalardıń názerine Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın inam etip, olarǵa joqarı keypiyat úlesti.

Azerbayjan teatrı menen dóretiwshilik birge islesiw jolǵa qoyıldı.

Ózbekstan Respublikası Qaraqalpaq mámleketlik quwırshaq teatrı direktorı Usmanatdin Mambetaliev házirgi kúnde Azerbayjan Respublikasında gastrol saparında bolıp, Azerbayjan Respublikasınıń Baku qalasındaǵı Azәrbaycan dövlәt kukla teatri direktori Reşad Rufat Axmed-zade menen Memorandumǵa qol qoydı. Usı Memorandumǵa tuykarlanıp, eki mámleket quwırshaq teatrları arasında turaqlı birge islesiw jolǵa qoyılıp, bunda rejissyorlar, xudojnikler, aktyorlardıń tájriybe almasıwı hám bárshe dóretiwshilik tarawdaǵı… Read More »

Teatr Beruniyde…

Teatr dóretiwshi jámááti Beruniy rayonındaǵı 4, 17-sanlı mektepke shekemgi bilimlendiriw shólkeminde kishkene tamashagóyler názerine Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın usındı hám olardıń alǵıslarına sazawar boldı.

Jańa spektakl premyerası ótkerildi.

Qaraqalpaq mámleketlik quwırshaq teatrında jańa spektakl premyerası ótkerildi. Jańadan saxnalastırılıp tamashagóyler názerine inam etilgen M.G.Polivanova avtorlıǵı M.Begimov saxnalastırıwındaǵı “Ayıwdiń kewilli balaları”spektakli tiykarınan baqsha jasindaǵi balalarǵa arnalǵan bolıp, waqıyalar bir orında bolıp òtedi. Spektakl qaharmanları Top penen Topa kishkene bolǵanlıqtan oǵada erke boladı. Atası hàm kempir apasınıń nasiyhatlarına qulaq salıp, olar bergen jaqsı tàrbiya menen úlkeyedi.… Read More »

Teatr “Aydın jol” balalar dem alıw orayında boldı.

Qaraqalpaq mámleketlik quwırshaq teatrı balalardıń jazǵı dem alısın zawıqlı ótkeriw máqsetinde Taqıyatas rayonındaǵı “Aydın jol” balalar dem alıw orayına bardı hám tamashagóyler názerine Ulmeken Qazaqbaeva saxnalastırıwındaǵı “Tatıw doslar” teatrlastırılǵan tamasha baǵdarlamasın inam etip, olardıń kewil-keypiyatın kóterdi.

Бүгин Өзбекстан Республикасы Мәденият министриниң биринши орынбасары Авазхон Таджиханов хызмет сапары менен Нөкисте болды.

Қарақалпақстан Республикасы Мәденият министри Б.Темирбаев пенен биргеликте пайтахтымыздағы Бердақ атындағы Қарақалпақ мәмлекетлик академиялық музыкалы театры, Қарақалпақ мәмлекетлик Жас тамашагөйлер ҳәм Қуўыршақ  театрлардың турмысы менен жақыннан танысты. Кегейли районлық Мәденият бөлимине қараслы “Халқабат” мәденият орайында болып, орай турмысы, хызметкерлердиң жумыс барысын көзден өткерди. Сондай-ақ,Өзбекстан мәмлекетлик Консерваториясы Нөкис филилы турмысы, Өзбекстан мәмлекетлик көркем өнер ҳәм мәденият институты… Read More »

Teatr hayal-qızlar “Múrriwbet úyi”ne bardı.

Qaraqalpaq mámleketlik quwırshaq teatrı 10-iyun kúni Nókis qalalıq imkaniyatı sheklengen hayal-qızlar “Múrriwbet úyi”ne barıp,  ol jerdegi dawalanıp atırǵan hayal-qızlardıń dıqqatına Ulmeken Qazaqbaeva avtorlıǵı hám saxnalastırıwındaǵı “Tatıw doslar” teatrlastırılǵan tamasha baǵdarlamasın biypul inam etip, olardıń alǵıslarına sazawar boldı.