Qaraqalpaq mámleketlik quwırshaq teatrında jańa spektakl premyerası ótkerildi. Jańadan saxnalastırılıp tamashagóyler názerine inam etilgen M.G.Polivanova avtorlıǵı M.Begimov saxnalastırıwındaǵı “Ayıwdiń kewilli balaları”spektakli tiykarınan baqsha jasindaǵi balalarǵa arnalǵan bolıp, waqıyalar bir orında bolıp òtedi. Spektakl qaharmanları Top penen Topa kishkene bolǵanlıqtan oǵada erke boladı. Atası hàm kempir apasınıń nasiyhatlarına qulaq salıp, olar bergen jaqsı tàrbiya menen úlkeyedi.
Top penen Topa hàr kúni azanǵı dene tàrbiya shınıǵıwların islewdi, uyqıdan turıp òz orınların azada tutıwdı, awqatlanıw waqtında àdep-ikramlı bolıw sıyaqlı kúndelikli qaǵıydalardı atası hàm kempir apasınan úyrenedi. Spektakl Top hàm Topa obrazı arqalı tamashagòylerge úlkenge húrmet, jas kishige izzette bolıwdı, soniń menen birge jaqsı minez-qulıqqa iye aqıllı balalar bolıwǵa úyretedi.
