Daily Archives: Saturday June 1st, 2024

“1-iyun – Xalıq aralıq balalardı qorǵaw kúni”nde teatrda “Saray ishindegi sıyqır” boldı.

Qaraqalpaq mámleketlik quwırshaq teatrında “1-iyun – Xalıq aralıq balalardı qorǵaw kúni” múnásibeti menen teatrǵa kelgen tamashagóyler itibarına “Saray ishindegi sıyqır” teatrlastırılǵan tamasha baǵdarlaması qoyıp berildi. Tamasha baǵdarlaması milliy ayaq oyınlar hám oyın-zawıqqa tolı saxnalıq kórinisler menen dawam etip, kishkene balajanlar ushın haqıyqıy bayram sawǵası boldı desek arzıydı. Avtor hám saxnalastırıwshı rejissyor: Nasiba Genjebekova

Teatrda bayram sawǵası…

31-may kúni “1-iyun – Xalıq aralıq balalardı qorǵaw kúni” múnásibeti menen Qaraqalpaq mámleketlik quwırshaq teatrı Respublikalıq ftiziyatriya hám pulmonologiya balar bólimine barıp, ol jerdegi dawalanıp atırǵan balalardıń názerine Ulmeken Qazaqbaeva saxnalastırıwındaǵı “Tatıw doslar” teatrlastırılǵan tamasha baǵdarlamasın inam etip, olardı quwanıshqa bóledi.

Teatr Taqıyatas rayonında…

30-may kúni Qaraqalpaq mámleketlik quwırshaq teatrı Taqıyatas rayonında jaylasqan balalar úyine barıp, ol jerdegi kishkene teatr ıqlasbentleriniń itibarına N.V.Gernet avtorlıǵındaǵı E.Begimova tárepinen saxnalastırılǵan “Ǵazdıń palapanı” spektaklin biypul inam etti.

Teatr Kegeyli rayonında…

30-may kúni teatr jámááti Kegeyli rayonına mádeniy-dóretiwshilik xızmet saparına bardı hám ol jerdegi Ishan qala APJda jaylasqan mektepke shekem bilimlendiriw shólkemi tárbiyalanıwshılarınıń dıqqatına Ulmeken Qazaqbaevanıń “Tatıw doslar” tamasha baǵdarlamasın inam etti.

Teatr Nókis Xalıq aralıq aeroportında…

30-may kúni Qaraqalpaq mámleketlik quwırshaq teatr jámááti Nókis Xalıq aralıq aeroportında aeroport xızmetkerleri hám olardıń shańaraq aǵzalarınıń itibarına Ulmeken Qazaqbaeva saxnalastırıwındaǵı “Tatıw doslar” teatrlastırılǵan tamasha baǵdarlamasın usındı hám teatr ıqlasbentleriniń alǵıslarına sazawar boldı.