30-may kúni Qaraqalpaq mámleketlik quwırshaq teatr jámááti Nókis Xalıq aralıq aeroportında aeroport xızmetkerleri hám olardıń shańaraq aǵzalarınıń itibarına Ulmeken Qazaqbaeva saxnalastırıwındaǵı “Tatıw doslar” teatrlastırılǵan tamasha baǵdarlamasın usındı hám teatr ıqlasbentleriniń alǵıslarına sazawar boldı.
26-may kúni Qaraqalpaq mámleketlik quwırshaq teatrında teatrǵa kelgen tamashagóyler názerine Nasiba Genjebekova saxnalastırıwındaǵı “Saray ishindegi sıyqır” teatrlastırılǵan tamasha baǵdarlaması qoyıp berildi. Tamasha baǵdarlamasında kóz qamasatınday shıraylı bezelgen saray tórinde patsha altın taxtta otırıp, wázirlerin aldına shaqıradı hám olarǵa onıń kewlin kóteriwge ámir etedi. Wázirler “ájep boladı” dep shıǵıp ketedi hám saray ortasında payda bolǵan sıyqırshı… Read More »
“1-iyun – Xalıq aralıq balalardı qorgaw kúni” munasibeti menen Arqa-batıs askeriy okrugta bayramǵa baǵıshlangan madeniy ilaj ótkerildi. Ilajda Qaraqalpaq màmleketlik quwırshaq teatrı jamaati de belsene qatnasıp, tamashagóyler nazerine Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın inam etti ham olardıń alǵıslarına sazawar boldı.
18-may “Xalıq aralıq muzeyler kúni” múnásibeti menen Qaraqalpaq mámleketlik quwırshaq teatrı 2024-jıl 18-may kúni I.V.Savickiy atındaǵı Qaraqalpaqstan mámleketlik kórkem óner muzeyinde Saltanat Matkerimova avtorlıǵındaǵı “Jaqsılıq qaytadı” spektaklin tamashagóyler názerine inam etti.
Qaraqalpaq mámleketlik quwırshaq teatrı Nókis qalasında jaylasqan “Elegant” jeke shańaraqlıq úy baqshasında bolıp, ol jerdegi mektepke shekemgi bilimlendiriw shólkemi tárbiyalanıwshılarınıń itibarına Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın usındı.
Qaraqalpaq mámleketlik quwırshaq teatrı I.V.Saviskiy atındaǵı 2024-jıl 18-aprel kúni Qaraqalpaqstan mámleketlik kórkem óner muzeyinde shet elden kelgen turistler ushın Nasiba Genjebekova saxnalastırıwındaǵı “Saray ishindegi sıyqır” atlı teatrlastırılǵan tamasha baǵdarlamasın inam etip, turistlerge milliy mádeniyatımızdı quwırshaq teatr kórkem óneri menen baylanıstırǵan halda quwırshaq obrazları arqalı atqarılǵan ózgeshe saxnalıq kórinisin sáwlelendirip berdi. Inam etilgen tamasha baǵdarlamasında kóz… Read More »
Ózbekstan Respublikası Prezidenti basshılıǵında 2023-jıl 22-dekabr kúni ótkerilgen Respublika Ruwxıylıq hám Aǵartıwshılıq keńesi májlisiniń 50-sanlı bayanı hám Qaraqalpaqstan Respublikası Ministrler Keńesiniń 2024-jıl 8-yanvardaǵı 01-08/10-01/9-sanlı bayanında belgilengen wazıypalardıń orınlanıwın támiyinlew boyınsha shólkemlestirilgen “Teatr kúni” ilajları sheńberinde Qaraqalpaq mámleketlik quwırshaq teatrı 2024-jıl 16-aprel kúni Taxtakópir rayonında mádeniy-dóretiwshilik xızmet saparın shólkemlestirdi hám mádeniy sapar dawamında Ulmeken Qazaqbaeva saxnalastırıwındaǵı… Read More »
Qaraqalpaq mámleketlik quwırshaq teatrına kelgen tamashagóyler názerine teatr saxnasında Nasiba Genjebekova avtorlıǵındaǵı hám saxnalastırıwındaǵı “Saray ishindegi sıyqır” teatrlastırılǵan tamasha baǵdarlaması inam etildi. Teatr jámááti 2023-jıl usı “Saray ishindegi sıyqır” teatrlastırılǵan tamasha baǵdalaması menen Turkiya Respublikasında 25 Xalıqaralıq Istambul quwırshaq teatrları festivalında qatnastı hám Gruziya Respublikasında gastrol saparında boldı.
Qaraqalpaq mámleketlik quwırshaq teatrında búgin 22-mart kúni “Teatr tamashaları hápteligi”niń ekinshi kúni teatr imaratınıń aldında assisent rejissyor G.Dalieva tárepinen saxnalastırılǵan “Xosh keldiń báhárim, xosh keldiń Nawrız” atlı teatrlastırılǵan konsert shou tamasha baǵdarlaması menen baslandı hám teatr direktorı U.Mambetaliev jıynalǵan tamashagóylerge qımbatlı waqıtların ajıratıp teatrǵa kelgeni ushın úlken minnetdarshılıq bildirdi. Oyın-zawıqqa tolı bayram kewil-keypiyatın úlesken konsert… Read More »
Qaraqalpaq mámleketlik quwırshaq teatrında “Teatr tamashaları hápteligi”niń birinshi kúni saltanatlı túrde ótkerildi. “Ashıq esikler kúni” ne kelgen tamashagóyler názerine teatr foyesinde aktyorlar tárepinen teatrlastırılǵan tamasha baǵdarlaması, teatr saxnasında bolsa M.Begimov avtorlıǵındaǵı A.Qudaynazarov tárepinen mámleketlik buyırtpa tiykarında saxnalastırılǵan “Quslardı kútken balalar” spektakli biypul inam etildi.