“Sıyqırlı júzik” spektakli kórkemlik keńesten tabıslı ótti
Qaraqalpaq mámleketlik Quwırshaq teatrında dramaturg X.Abidovanıń qálemine tiyisli, Qazaqstan Respublikası Astana qalası M.Gorkiy atındaģı akademik rus drama teatrı rejissyorı B.Parmanov tárepinen saxnalastırılǵan “Sıyqırlı júzik” spektakliniń kórkemlik keńesi bolıp ótti. Spektakldıń bas xudojnigi Rossiya Federaciyasınan kelgen saxna xudojnigi Aleksey Goviazin.
Bul shıǵarma kishi tamashagóyler ushın mólsherlengen bolıp, onda miyrim-shápáát, doslıq, hadallıq sıyaqlı insanıy pazıyletler joqarı kórkem sheberlik penen sáwlelendirilgen.
Kórkemlik keńes aǵzaları spektakldiń saxnalastırıw usılı, dekoraciya hám quwırshaqlardıń texnikalıq atqarılıwı, aktyorlıq sheberligi hám muzıkalıq bezewlerine joqarı baha berdi.
Jańa spektakldiń premyerası 8-iyul kúni teatr saxnasında qoyılıwı rejelestirilgen. “Sıyqırlı júzik” balalar teatr kórkem óneriniń rawajlanıwında jáne bir áhmiyetli qádem bolatuǵını sózsiz.