Ózbekstan Respublikası Qaraqalpaq mámleketlik quwırshaq teatrı baslıǵı U.Q.Mambetaliev 2024-jıl 13-noyabr Qırǵızstan Respublikasında saparda bolıp, Qırǵızstan Respublikasınıń Bishkek qalasındaǵı M.Janǵaziev atındaǵı Qırǵızstan mámleketlik quwırshaq teatrı baslıǵı B.Ch.Kulanbaev penen rásmiy Memorandumǵa qol qoydı.
Usı Memorandumǵa tiykarlanıp eki mámleket quwırshaq teatrları arasında turaqlı birge islesiw jolǵa qoyılıp, onda rejissyorlar, aktyorlar hám xudojnikler tájiriybe almasıwı, barlıq dóretiwshilik tarawdaǵı baǵdarlar boyınsha birge islesiw ámelge asırılıp, Qırǵızstan Respublikasında hám Ózbekstan Respublikasında bolatuǵın xalıqaralıq festivallarǵa mirát etiledi. Bunnan tısqarı, Qaraqalpaq mámleketlik quwırshaq teatrı dóretiwshilik jámáátiniń Qırǵızstan Respublikasınıń qalalarında, Qırǵızstan Respublikasınıń quwırshaq teatrı jámáátiniń Ózbekstan Respublikasınıń qalalarında gastrol saparlarında bolıwı názerde tutılǵan.
