Ózbekstan Respublikası Qaraqalpaq mámleketlik quwırshaq teatrı baslıǵı U.Mambetaliev usı kúnleri Qazaqstan Respublikasında saparda bolıp, Qazaqstan Respublikasınıń Almatı qalası Mádeniyat basqarması “Mámleketlik
quwırshaq teatrı” baslıǵı A.Amangeldi menen rásmiy Memorandumǵa qol qoydı.
Usı Memorandumǵa tiykarlanıp eki mámleket quwırshaq teatrları arasında turaqlı birge islesiw jolǵa qoyılıp, onda rejissyorlar, aktyorlar hám xudojnikler tájiriybe almasıwı, barlıq dóretiwshilik tarawdaǵı baǵdarlar boyınsha birge islesiw ámelge asırılıp, Qazaqstan Respublikasında hám Ózbekstan Respublikasında bolatuǵın xalıqaralıq festivallarǵa mirát etiledi. Bunnan tısqarı, Qaraqalpaq mámleketlik quwırshaq teatrı dóretiwshilik jámáátiniń Qazaqstan Respublikasınıń qalalarında, Qazaqstan Respublikasınıń quwırshaq teatrı jámáátiniń Ózbekstan Respublikasınıń qalalarında gastrol saparlarında bolıwı názerde tutılǵan.
