#dóretiwshilik_uchrashuv
Ózbekstan Respublikası Qaraqalpaq mámleketlik quwırshaq teatrı direktorı 2023-jıl 31-iyul Usmanatdin Mambetaliev usı kúnleri Túrkiya Respublikasında gastrol saparında bolıp, Túrkiya Respublikasınıń Stambul qalasındaǵı Cengiz Ózek Gólge atındaǵı quwırshaq teatrı baslıǵı Cengiz Ózek penen rásmiy Memorandumǵa qol qoydı.
Usı Memorandumǵa tiykar eki mámleket quwırshaq teatrları arasında turaqlı birge islesiw jolǵa qoyılıp, onda rejissyorlar, aktyorlar, xudojnikler almasıwı hám barlıq dóretiwshilik tarawdaǵı baǵdarlar boyınsha birge islesiw ámelge asırılıp, hár eki mámlekette bolatuǵın xalıqaralıq festivallarǵa mirát etiledi. Bunnan tısqarı, Qaraqalpaq mámleketlik quwırshaq teatrı dóretiwshilik toparı Túrkiya Respublikasınıń qalalarında, Túrkiya Respublikasınıń quwırshaq teatrı Ózbekstan Respublikasınıń qalalarında gastrol saparlarında bolıwı názerde tutılǵan.
