#dóretiwshilik_uchrashuv
Ózbekstan Respublikası Qaraqalpaq mámleketlik quwırshaq teatrınıń direktorı Usmanatdin Mambetaliev 2023-jıl 29-iyul kuni Gruziya Respublikasında gastrol saparında bolıp, Gruziya Respublikasınıń Tbilisi qalasındaǵı Gruziya mámleketlik professional quwırshaq teatrları birlespesiniń baslıǵı N.Sabashvili menen rásmiy Memorandumǵa qol qoydı.
Usı Memorandumǵa tiykar eki mámleket quwırshaq teatrları arasında turaqlı birge islesiw jolǵa qoyılıp, onda rejissyorlar almasıwı, aktyorlar hám xudojnikler almasıwı, barlıq dóretiwshilik tarawdaǵı baǵdarlar boyınsha birge islesiw ámelge asırılıp, Gruziya Respublikasında hám Ózbekstan Respublikasında bolatuǵın xalıqaralıq festivallarǵa mirát etiledi. Bunnan tısqarı Qaraqalpaq mámleketlik quwırshaq teatrı dóretiwshilik toparı Gruziya Respublikasınıń qalalarında, Gruziya Respublikasınıń quwırshaq teatrı Ózbekstan Respublikasınıń qalalarında gastrol saparlarında bolıwı názerde tutılǵan.
