Ózbekstan Respublikası Qaraqalpaq mámleketlik quwırshaq teatrı direktorı Usmanatdin Mambetaliev 2024-jıl 25-iyun kuni Azerbayjan Respublikasında gastrol saparında bolıp, Azerbayjan Respublikasınıń Baku qalasındaǵı Azәrbaycan dövlәt kukla teatri direktori Reşad Rufat Axmed-zade menen Memorandumǵa qol qoydı. Usı Memorandumǵa tuykarlanıp, eki mámleket quwırshaq teatrları arasında turaqlı birge islesiw jolǵa qoyılıp, bunda rejissyorlar, xudojnikler, aktyorlardıń tájriybe almasıwı hám bárshe dóretiwshilik tarawdaǵı jónelisler boyınsha birge islesiw nátiyjeli ámelge asırılıp, hár eki mámlekette bolıp ótetuǵın xalıq aralıq festivallarǵa mirát etiledi. Bunnan tısqarı Qaraqalpaq mámleketlik quwırshaq teatrı dóretiwshi jámááti Azerbayjan Respublikasınıń qalalarında, Azerbayjan Respublikasınıń quwırshaq teatrı Ózbekstan Respublikasınıń qalalarında gastrol saparlarında bolıwı kózde tutılǵan.
