Qoraqalpoq davlat Qo‘g‘irchoq teatrida 35-mavsum tantanali ravishda ochildi X.Abidova qalamiga mansub B.Parmanov tomonidan sahnalashtirilgan «Sehrli uzuk» spektakli bilan 35-mavsumning ochilish marosimi kichkintoylar va kattalarda katta qiziqish uyg‘otdi. Ushbu spektaklda ezgulik, do‘stlik va mehr-oqibat g‘oyalari yorqin aks ettirilib, bolalarga ezgu niyat va pok niyat bilan yashash zarurligi uqtirildi.
📣Diqqat! Diqqat! Qoraqalpog‘iston Respublikasi Madaniyat vazirligi Qoraqalpoq davlat Qo‘g‘irchoq teatriga media tur tashkil etishini ma’lum qiladi. 🗓 Sana: 20-avgust ⏰ Soat: 10:00 📍 Manzil: Qoraqalpoq davlat Qo‘g‘irchoq teatri Barcha OAV vakillarini ushbu tadbirda ishtirok etishga taklif etamiz!
🎭8-avgust kuni Qoraqalpoq davlat Qo‘g‘irchoq teatrida «Dolzarb 90 kun» loyihasi doirasida tomoshabinlar e’tiboriga Y.Lada muallifligidagi, I.Sadikov tarjimasi, F.Mirzayev sahnalashtirgan «Sehrli olma» spektakli taqdim etildi.
5-iyul kuni Amir Temur bog‘i yana bir bor san’at va quvonch maskaniga aylandi. Qoraqalpoq davlat Qo‘g‘irchoq teatri ijodiy jamoasi o‘zining navbatdagi tomosha dasturini ochiq osmon ostida tomoshabinlarga taqdim etdi. Tadbirga yig‘ilgan mehmonlar – asosan bolalar va ularning ota-onalari – tomoshalardan unutilmas zavq oldi.
Yozgi ta’til vaqtida yoshlarning bo‘sh vaqtini mazmunli tashkil etish hamda 30-iyun – «Yoshlar kuni» munosabati bilan «Yoshlar oyligi» doirasida bugun kuni Qoraqalpoq davlat Qo‘g‘irchoq teatri jamoasi poytaxtimizdagi Amir Temur bog‘ida xalqimizga konsert dasturini taqdim etdi. Ochiq osmon ostida bo‘lib o‘tgan ushbu musiqiy tadbir barchani quvontirib, san’atimizning betakror go‘zalligini yana bir bor namoyon etdi.
Qoraqalpoq davlat qo‘g‘irchoq teatri ijodiy guruhi 10-iyun kuni Jizzax viloyatida gastrol safarida bo‘lib, Jizzax viloyati Baxmal tumanida joylashgan 6-sonli bolalar musiqa va san’at maktabida 480 nafar tomoshabin e’tiboriga N.Genjebekova muallifligi va sahnalashtiruvidagi «Tozalik salomatlik garovi» spektaklini taqdim etdi.
Samarqand_viloyati Gastrol_safar Tozalik_sog’lik_garovi Qoraqalpoq davlat Qo‘g‘irchoq teatri ijodiy guruhi Samarqand viloyatida gastrol safarida bo‘lib, Kattaqo‘rg‘on tumanida joylashgan 30-sonli Madaniyat markazida jajji muxlislarimiz e’tiboriga N.Genjebekova muallifligi va sahnalashtiruvidagi «Tozalik sog’lik garovi» spektakli taqdim etildi.
3-Iyun kuni Qoraqalpoq davlat Qo‘g‘irchoq teatri ijodiy guruhi Nukus shahridagi «Imkon» reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotida mehmon bo‘ldi. U yerdagi davolanayotgan jajji muxlislarimiz e’tiboriga N.Genjebekova muallifligi va sahnalashtiruvidagi «Tozalik sog’lik garovi» spektakli taqdim etildi.
Qoraqalpoq davlat Qo‘g‘irchoq teatrining gastrol safari davom etmoqda 1-iyun kuni ijodiy guruhimiz Toshkent shahridagi O‘zbekiston davlat musiqali komediya (Operetta) teatrida bo‘lib, tomoshabinlar e’tiboriga Y.Lada muallifligidagi, I.Sadikov tarjimasi, F.Mirzayev sahnalashtirgan «Sehrli olma» bayram tomoshasin taqdim etdi.
30-may kuni ijodiy guruhimiz Qoraqalpog‘iston Respublikasi Ftiziatriya va pulmonologiya markazi bolalar bo‘limida bo‘lib, kichik tomoshabinlar e’tiboriga N.Genjebekova muallifligi va sahnalashtiruvidagi «Tozalik sog’lik garovi» spektaklini taqdim etdi.