Ózbekiston Respublikasi Qoraqalpoq davlat qóǵirchoq teatri direktori Usmanatdin Mambetaliev shu kunlarda Ozarbayjon Respublikasida gastrol safarida bólib, Ozarbayjon Respublikasining Baku shahridagi Azәrbaycan dövlәt kukla teatri direktori Reşad Rufat Axmed-zade bilan rasmiy Memorandum imzoladilar. Mazkur Memorandumga asosan ikki davlat qóǵirchoq teatrlari órtasida doimiy hamkorlik yólga qóyilib, bunda rejissyorlar, aktyorlar, rassomlarning ijodiy tajriba almashinuvi va barcha ijodiy sohadagi yónalishlar bòyicha hamkorlik amalga oshirilib, har ikki davlatda bóladigan xalqaro festivallariga taklif etiladi. Bundan tashqari Qoraqalpoq davlat qóǵirchoq teatri ijodiy jamoasi Ozarbayjon Respublikasining shaharlarida, Ozarbayjon Respublikasining qóǵirchoq teatri Òzbekiston Respublikasi shaharlarida gastrol safarlarida bólishi kózda tutilgan.
