Teatr jámááti búgin Nókis qalasında jaylasqan “Altın shóje” hám “Shaxsanem” jeke shańaraqlıq mektepke shekemgi bilimlendiriw shólkemi tárbiyalanıwshılarınıń názerine U.Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın inam etti.
Qaraqalpaq mámleketlik quwırshaq teatrı 6-fevral kúni Nókis qalasında jaylasqan “Мoya solnıshka” jeke úy balalar baqshasında bolıp, kishkene tamashagóylerdiń názerine Ulmeken Qazaqbaeva avtorlıǵındaǵı hám saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın usındı. Tamasha baǵdarlaması kishkene teatr ıqlasbentleri tárepinen unamlı tamasha etildi. Haywanat áleminiń sahnada quwırshaq obrazları arqalı sáwleleniwi tamashagóyler kóz aldında ózgeshe sahnalıq kórinis jarattı.
Teatr jámááti Taqiyatas qalasında jaylasqan 3,9,10-sanlı mektepke shekemgi bilimlendiriw shólkemlerinde bolıp, kishkene tárbiyalanıwshılardıń itibarına Inabat Djumaniyazova saxnalastırıwındaǵı “Sıyqırlı gúl” teatrlastırılǵan tamasha baǵdarlamasın usındı.
Qaraqalpaq mámleketlik quwırshaq teatrı Shımbay rayonında jaylasqan 5,6,9,11,15,22,28,31-sanlı mektepke shekemgi bilimlendiriw shólkemi tárbiyalanıwshılarınıń itibarına Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın inam etip, tamashagóylerdiń alǵıslarına sazawar boldı.
Qaraqalpaq mámleketlik quwırshaq teatrına 10-sanlı “Nurlı mákán” kózi ázzi balalar ushın qánigelestirilgen mektep internat oqıwshıları keldi hám olardın názerine Murat Begimov avtorlıǵındaǵı Xotam Oxunov tárepinen mámleketlik buyırtpa tiykarında saxnalastırılǵan “Shapan ápsanası” spektakli biypul inam etildi.
Búgin 6-yanvar. Jańa jıl bayramın kewilli ótkeriw máqsetinde mektepke shekemgi bilimlendiriw shólkemleri tárbiyalanıwshıları teatrǵa kelip, úlken saxnada U.Qazaqbaeva saxnalastırıwındaǵı jańa jıl bayramına baǵıshlanǵan “Jańa jıl ertegi” atlı teatrlastırılǵan koncert shou baǵdarlamasın tamasha etti.
2023-jıl 28-dekabr kúni Qaraqalpaq mámleketlik quwırshaq teatrında teatr jámáátiniń Jańa jıl bayramına baǵıshlanǵan saltanatlı bayram keshesi bolıp ótti. Bayram keshesin teatr direktorı U.Mambetaliev ashıp berdi hám bársheni kirip kiyatırǵan jańa jıl menen qutlıqladı. Keshe dawamında teatrda uzaq jıllardan berli pidayı miynet etip kıyatırǵan bir qatar teatr xızmetkerleri jıl dawamında kórsetken nátiyjeli xızmetleri ushın “Húrmet jarlıǵı”… Read More »
2023-jıl 28-dekabr kúni Qaraqalpaq mámleketlik quwırshaq teatrı saxnasında jáne bir jańa spektakl tamashagóyler názerine inam etildi. X.Xalilaeva avtorlıǵındaǵı G.Dalieva tárepinen saxnalastırılǵan “Sınalǵan doslıq” spektakli kishkene teatr ıqlasbentleri ushın jańa jıl sawǵası boldı desek arzıydı. Qaraqalpaq ertekleri tiykarɪnda jazɪlǵan bul spektakl baqsha jasɪndaǵɪ balalarǵa mas sahnalastɪrɪlǵan. Spektaklde tiykarɪnan erketay qoyannɪń aq kewilliliginen paydalanǵan hayyar túlki onɪń… Read More »
2023-jıl 27-dekabr kúni Qaraqalpaq mámleketlik quwırshaq teatrı saxnasında jańa spektakl tamashagóyler názerine inam etildi. M.Begimov avtorlıǵındaǵı X.Oxunov tárepinen mámleketlik buyırtpa tiykarında saxnalastırılǵan “Shapan ápsanası” spektakli teatr ıqlasbentleri ushın úlken jańalıq boldı. Spektaklde tiykarɪnan qaraqalpaq xalıq milliyligi, milliy kóylek hám shapanlarɪ, onda tigilgen naĝɪslardɪń kelip shɪĝɪwɪ hám onɪń tariyxɪ bizge shekem qalay saqlanĝanlɪĝɪ hám de keleshek… Read More »