Қарақалпақ мәмлекетлик қуўыршақ театры Нөкис “Мүриўбет” ҳаяллар интернат үйинде қайырхомлық концерт бағдарламасы өткерилди

2021 жылы 26-февраль сәнесинде Қарақалпақ мәмлекетлик қуўыршақ театры Нөкис “Мүриўбет” ҳаяллар интернат үйинде қайырхомлық концерт бағдарламасын өткерди ҳәм тамашагөйлерге И.Джуманиязованың “Сыйқырланған сарай маликасы” атлы театрластырылған спектакли қойып берилди. Спектаклден соң театр дөретиўши жәмәәтинен Ш.Алламбергенов, М.Полатов ҳәмде А.Собировлар концерт дәстүрин даўам еттирди                

Қарақалпақ мәмлекетлик қуўыршақ театрында Қарақалпақстан Республикасы Қорғау басқармасы хызметкерлерине спектакль қойып берилди

2021 жылы 23 -февраль сәнесинде Қарақалпақ мәмлекетлик қуўыршақ театрына Қарақалпақстан Республикасы Қорғау басқармасы биринши айрықша баталёны хызметкерлери нәзерине М.Бегимов инсценировкасы хәм режиссёрлығында саҳналастырылған “Шын елиниң даңқын шығарған гөззал ҳаққында сөз” (Алишер Наўайының ғәзеллеринен пайдаланылған) атлы спектакли усынылды. Спектакль тамашагөйлер тәрепинен жақсы күтип алынды.

Тилеўберген Жумамуратовтың 106 жыллық юбелейи

2021 жыл 18-февраль сәнесинде Бердақ атындағы Қарақалпақ мәмлекетлик академиялық  музыка театрында Өзбекистан ҳәм Қарақалпақстан халық шайыры Бердақ атындағы мәмлекетлик сыйлықтың лауреаты Тилеўберген Жумамуратовтың 106 жыллық юбелейине арналып өткерилген еске тусириў кешесинде Қарақалпақ мәмлекетлик қуўыршақ театры өз көринислери менен қатнасты.

“Шын” елиниң даңқын шығарған гөззал ҳаққында сөз (Алишер Наўайының ғәзеллеринен пайдаланылған қуӯыршақ спектакль)

  2021-жыл 8-февраль сәнесинде Уллы тулға бабамыз Алишер Наӯайының быйыл 580 жыллығы мунәсебети менен Қарақалпақ мәмлекетлик қуӯыршақ театрында М.Бегимов инсценировкасы «Шын елиниң даңқын шығарған гөззал ҳаққында сөз» атлы спектакль премьерасы болып өтти. Уллы тулға бабамыз ғәзел  мулкиниң султаны Алишер Наӯайының быйыл 580 жыллығы Ӯзбекстан Республикасы бойлап кең түрде нышанланып атыр. Неше әсирлер өтседе Алишер Наӯайы… Read More »