Press konferenciya

#Press_konferenciya 17-dekabr sánesinde Qaraqalpaq mámleketlik Quwırshaq teatrında jurnalistler hám blogerler qatnasında press-konferenciya bolıp ótti. Ilajdı teatr direktorı U.Mambetaliev hám teatr kórkem basshısı N.Genjebekova ashıp berip,onda tiykarınan teatrımız tárepinen ámelge asırılıp atırģan bir qatar jumıslar haqqında sóz etildi. Ilaj sońında jurnalist hám blogerler qızıqtırǵan sorawlarına juwaplar aldı.

Jańa spektakl premyerası

#Jańa_spektakl_premyerası 🎭🎭 17-dekabr kúni Qaraqalpaq mámleketlik quwırshaq teatrında jańa spektakl premyerası bolıp ótti. Premyeranı Qaraqalpaq mámleketlik quwırshaq teatrı direktorı U.Mámbetaliev hám teatr kórkem basshısı N.Genjebekova ashıp berip, teatr dóretiwshi jámáátine tasqın tabıslar tiledi. Y.Lada avtorlıǵındaǵı I.Sadikov awdarması,F.Mirzaev saxnalastırıwındaǵı “Sıyqırlı alma” spektakliniń premyerası tamashagóyler názerine usınılıp, qızıqlı waqıyalarǵa tolı ájayıp spektakl tamashagóyler tárepinen unamlı qabıl etildi.

Xorezm wálayatı Quwırshaq teatrı jámááti dóretiwshilik sapar menen teatrımızǵa keldi

#Dóretiwshilik_sapar 🎭Búgin Xorezm wálayatı Quwırshaq teatrı jámááti dóretiwshilik sapar menen teatrımızǵa kelip, saltanatlı túrde kútip alındı. Qaraqalpaq mámleketlik quwırshaq teatrı direktorı U.Mámbetaliev,Xorezm wálayatı quwırshaq teatrı direktorı D.Atabaev hám teatr jámááti menen birgelikte búgingi teatr hám mádeniyat tarawındaǵı ózgerisler hám jańalanıwlar haqqında sáwbet shólkemlestirildi.

“Tazalıq densawlıqtıń girewi” tamasha baģdarlaması

Búgin, 16-dekabr kúni Qaraqalpaq mámleketlik Quwırshaq teatrı dóretiwshi toparı “Mercy Corps” kompanıyası jámááti menen birgelikte Xojeli rayonında boldı. Xojeli rayonındaģı 15,18,19-sanlı balalar baqshalarında bolıp, tamashagóyler názerine N.Genjebekova avtorlıģı hám saxnalastırıwındaģı “Tazalıq densawlıqtıń girewi” tamasha baģdarlamasın ınam etti.

Qaraqalpaq mámleketlik Quwırshaq teatrınıń shet el saparı juwmaqlanıp elemizge qayttı.

Qaraqalpaq mámleketlik Quwırshaq teatrınıń shet el saparı juwmaqlanıp elemizge qayttı. Qaraqalpaq mámleketlik Quwırshaq teatrı hám Qazaqstan Respublikası Almatı qalasınıń Mámleketlik Quwırshaq teatrı arasında birge islesiw boyınsha memorandum dúzilgen edi. Memorandum boyınsha eki táreptiń quwırshaq teatrları arasında dóretiwshilik baylanıslardı, sonday-aq, rejissyorlar,aktyor hám xudojniklerdiń óz-ara tájiriybe almasıwın jolg’a qoyıw, quwırshaq teatrlarınıń gastrol saparların ámelge asırıw rejelestirgen edi.… Read More »

Qaraqalpaq mámleketlik Quwırshaq teatrı dóretiwshi toparı “Mercy Corps” kompanıyası jámááti menen Xojeli rayonındaģı 2,4,10-sanlı balalar baqshalarında

Búgin, 13-dekabr kúni Qaraqalpaq mámleketlik Quwırshaq teatrı dóretiwshi toparı “Mercy Corps” kompanıyası jámááti menen birgelikte Xojeli rayonında boldı. Xojeli rayonındaģı 2,4,10-sanlı balalar baqshalarında bolıp,tamashagóyler názerine N.Genjebekova avtorlıģı hám saxnalastırıwındaģı “Tazalıq densawlıqtıń girewi” tamasha baģdarlamasın inam etti.

Qaraqalpaq mámleketlik Quwırshaq teatr direktorı U.Mambetaliev basshılıg’ında teatr dóretiwshi toparı Qazaqstan Respublikasınıń Almatı qalasına gastrol saparı menen jetip bardı

Qaraqalpaq mámleketlik Quwırshaq teatr direktorı U.Mambetaliev basshılıg’ında teatr dóretiwshi toparı Qazaqstan Respublikasınıń Almatı qalasına gastrol saparı menen jetip bardı. Qazaqstan Respublikası Almatı qalasınıń Mámleketlik Quwırshaq teatrı jámááti Qaraqalpaq mámleketlik Quwırshaq teatrı dóretiwshi toparın saltanatlı túrde kútip aldı.