Búgin Qaraqalpaq mámleketlik Quwırshaq teatrında N.Genjebekova avtorlıǵı hám saxnalastırıwındaǵı “Eki dos” spektakliniń premyerası bolıp ótdi. Spektakl kishkene tamashagóylerge quwanısh hám zawıq baǵıshlap, olarda úlken qızıǵıwshılıq oyattı. Qızıqlı waqıyalar, jarqın obrazlar hám mazmunlı saxna kórinisleri sebepli spektakl balajanlarǵa júdá unadı hám olar tárepinen jıllı kútip alındı.
Náwbettegi mánzilimiz Ámiwdárya rayonı Qaraqalpaq mámleketlik Quwırshaq teatrı jáámatı Ámiwdárya rayonı 10-sanlı mektepke shekemgi bilimlendiriw shólkeminde tamashaygóylerimiz názerine M.G.Palivanova avtorlıǵı, E.Begimova saxnalastırıwındaǵı “Ayıwdıń kewilli balaları” spektaklin inam etti.
#dóretiwshilik_ushrasıw #teatr Ózbekstan Respublikası Qaraqalpaq mámleketlik quwırshaq teatrı direktorı Mambetaliev Usmanatdin Kaziyatdinovich Qazaqstan Respublikası Manǵıstaw wálayatı Mádeniyat, tillerdi rawajlandırıw hám arxiv isi basqarmasınıń “Manǵıstaw wálayatı quwırshaq teatrı” mámleketlik kommunallıq ǵáziyne kárxanası direktorı Atakeeva Farida Mombekovna menen teatrlar ortasında birge islesiw hám óz ara tájiriybe almasıw maqsetinde Memorandumǵa qol qoydı.
Qaraqalpaq mámleketlik Quwırshaq teatrı dóretiwshi toparı Nókis qalasındaǵı «Imkon» reabilitaciya orayına iye mámleketlik kóp tarmaqlı qánigelestirilgen mektepke shekemgi bilimlendiriw shólkeminde “Quwırshaq teatrı búgini hám keleshegi” temasında master-klass shólkemlestirip kishkene balalarǵa quwırshaq teatrı haqqında kóplegen qızıqlı maǵlıwmatlar berip ótti.
Spektakl kórkemlik keńesten tabıslı ótti Qaraqalpaq mámleketlik Quwırshaq teatrında N.Genjebekova avtorlıǵı hám saxnalastırıwındaǵı “Eki dos” spektakli kórkemlik keńes agzalarına tapsırıldı. Kórkemlik keńes aǵzaları spektakldiń saxnalastırıw usılı, dekoraciya hám aktyorlardıń sheberligi hám muzıkalıq bezewlerine joqarı baha berdi.
#Onlayn_qabıllaw Usı jıldıń 19-iyun kúni saat 11:00 de Qaraqalpaq mámleketlik Quwırshaq teatrı direktorı Usmanatdin Mambetaliev basshılıǵında telegram messenjerinde (t.me/KKkukla_teatr) onlayn qabıllaw bolıp ótedi.
Teatr jáámatımız Taqıyatas rayonındaǵı “Aydın jol” balalar dem alıw orayına barıp, tamashagóylerimiz itibarına N.Genjebekova avtorlıǵı hám saxnalastırıwındaǵı “Tazalıq-densawlıq girewi” ” spektaklin usındı. Qaraqalpaq mámleketlik Quwırshaq teatrı jámááti jas áwladtı ruwxıy hám estetikalıq tárbiyalawǵa qaratılǵan bunday ilajlardı turaqlı dawam ettirip kelmekte.
Dóretiwshi toparımız Nókis qalasında jaylasqan mektepke shekemgi bilimlendiriw shólkeminde bolıp, kishkene tamashaygóylerimiz názerine N.Genjebekova avtorlıģı hám saxnalastırıwındaģı “Doslar” spektaklin ınam etti.