Category Archives: Uncategorized

2023-jıl 28-dekabr kúni Qaraqalpaq mámleketlik quwırshaq teatrında teatr jámáátiniń Jańa jıl bayramına baǵıshlanǵan saltanatlı bayram keshesi bolıp ótti. Bayram keshesin teatr direktorı U.Mambetaliev ashıp berdi hám bársheni kirip kiyatırǵan jańa jıl  menen qutlıqladı. Keshe dawamında teatrda uzaq  jıllardan berli pidayı miynet etip kıyatırǵan bir qatar teatr xızmetkerleri jıl dawamında kórsetken nátiyjeli xızmetleri ushın  “Húrmet jarlıǵı”… Read More »

2023-jıl 28-dekabr kúni Qaraqalpaq mámleketlik quwırshaq teatrı saxnasında jáne bir jańa spektakl tamashagóyler názerine inam etildi. X.Xalilaeva avtorlıǵındaǵı G.Dalieva tárepinen  saxnalastırılǵan “Sınalǵan doslıq” spektakli kishkene teatr ıqlasbentleri ushın jańa jıl sawǵası boldı desek arzıydı. Qaraqalpaq ertekleri tiykarɪnda jazɪlǵan bul spektakl baqsha jasɪndaǵɪ balalarǵa mas sahnalastɪrɪlǵan.  Spektaklde tiykarɪnan erketay qoyannɪń aq kewilliliginen paydalanǵan hayyar túlki  onɪń… Read More »

2023-jıl 27-dekabr kúni Qaraqalpaq mámleketlik quwırshaq teatrı saxnasında jańa spektakl tamashagóyler názerine inam etildi. M.Begimov avtorlıǵındaǵı X.Oxunov tárepinen mámleketlik buyırtpa tiykarında  saxnalastırılǵan “Shapan ápsanası” spektakli teatr ıqlasbentleri ushın úlken jańalıq boldı. Spektaklde tiykarɪnan qaraqalpaq xalıq milliyligi, milliy kóylek hám shapanlarɪ, onda tigilgen naĝɪslardɪń kelip shɪĝɪwɪ hám  onɪń tariyxɪ bizge shekem qalay saqlanĝanlɪĝɪ hám de keleshek… Read More »

Qaraqalpaq mámleketlik quwırshaq teatrında ilaj ótkerildi. Onda  ministrliktiń korrupciyaǵa qarası gúresiw boyınsha juwaplı xızmetkeri P.Avezmuratov hám teatr xızmetkerleri qatnastı. Ilajda P.Avezmuratov sózge shıǵıp Ózbekstan Respublikası Mádeniyat ministrliginiń  Korrupciyaǵa qarsı gúresiw boyınsha qabıl etilgen buyrıq hám hújjetleri menen keńirek tanıstırıp ótti. Usı jıldıń 19-dekabr kúni Tashkent qalasında Ózbekstan Respublikası Prezidenti Shavkat Mirziyoev hám Qatar Amiri shayx… Read More »

2023-jıl 23-dekabr kúni Qaraqalpaqstan kórkem-óner sarayında «Alǵıs-2023» mádeniyat hám kórkem óner tarawındaǵı jıldıń eń belsendilerin sıylıqlaw máresimi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı. Ótkerilgen sıylıqlaw saltanatında mádeniyat hám kórkem óner tarawında pidayılıq kórsetip kiyatırǵan taraw wákilleri, bir qatar jaslar hám nuranıy-ustazlar «Pidayı miynetleri ushın», «Milliy ayaq oyın ónerin rawajlandırıwdaǵı miynetleri… Read More »

Teatr jámááti Jańa jıl bayramı múnásibeti menen sahnalıq kórinis tayarlap, teatr ıqlasbentlerine jaqınlap qalǵan jańa jıl keypiyatın úlesip basladı. 20-dekabr kúni Nókis qalasındaǵı 25-sanlı orta mektepte hám búgin 22-dekabr kúni Nókis qalalıq 1-sanlı orta mektepte boldı.    

Qaraqalpaq mámleketlik quwırshaq teatrı dóretiwshi jámááti Shımbay rayonında mádeniy-dóretiwshilik xızmet saparında bolıp, sapar dawamında 2,4,10 – sanlı mektepke shekemgi bilimlendiriw shólkemleri tárbiyalanıwshılarınıń itibarına U.Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın inam etti.      

Qaraqalpaq mámleketlik quwırshaq teatrı dóretiwshi jámááti 29-30-noyabr kúnleri Qaraózek rayonındaǵı mádeniy-dóretiwshilik xızmet saparın dawam ettirip, rayon aymaǵındaǵi 9,17,23,24,27,32-sanlı mekteplerde bolıp, ol jerdegi mektep oqıwshılarınıń názerine Inabat Djumaniyazova saxnalastırıwındaǵı “Sıyqırlı gúl” teatrlastırılǵan konsert shou tamasha baǵdarlamasın inam etti hám tamashagóyler teatr jámáátine kewilli keypiyat úlesiwshı tamasha baǵdarlaması ushın tereń minnetdarshılıq bildirdi.      

1-dekabr – Qaraqalpaq tiline Mámleketlik til biyligi berilgen kún 1989-jıl 1-dekabr kúni Qaraqalpaqstan Respublikası Joqarǵı Keńesiniń sessiyasında qaraqalpaq tiline mámleketlik til biyligi berildi. Ana tilimizge Mámleketlik til biyliginiń berilgenine 34 jıl tolıwı menen kanal atınan xalqımızdı qutlıqlaymız.  

Qaraqalpaq mámleketlik quwırshaq teatrı dóretiwshı jámááti 27-noyabr kúni Qaraózek rayonında mádeniy-dóretiwshilik xızmet saparında boldı hám   № 11,12,13-sanlı mekteplerde oqıwshılardıń názerine Inabat Djumaniyazova saxnalastırıwındaǵı “Sıyqırlı gúl” teatrlastırılǵan tamasha konsert shou baǵdarlamasın inam etip, olardıń sheksiz  alǵıslarına sazawar boldı.