Category Archives: Mádeniy saparlar

«1-iyun – Xalıqaralıq balalardı qorǵaw kúni» bayramı munásibeti menen búgin Nókis qalasındaǵı «Imkon» reabilitaciya orayına iye mámleketlik kóp tarmaqlı qánigelestirilgen mektepke shekemgi bilimlendiriw shólkeminde teatrımız dóretiwshi toparı miymanda bolıp, kishkene tamashaygóylerimiz názerine “Balalarǵa sawǵa” atlı bayram tamashasın inam etti. Onda Qaraqalpaq mámleketlik Quwırshaq teatrı direktorı U.Mambetaliev qatnasıp, bul jerde tárbiyalanıp atırǵan balalardı bayram menen qutlıqladı.

13-may kuni  Qaraqalpaq mámleketlik Quwırshaq teatrı dóretiwshi toparı Nókis qalasında jaylasqan 29-sanlı mektepke shekemgi bilimlendiriw shólkeminde “Sıyqırlı alma”, 29-sanlı ulıwma bilim beriw mektebinde “Ayıwdıń kewilli balaları” spektakllerin inam etti.

  Dóretiwshi toparımız “Juldızsha” atlı mektepke shekemgi bilimlendiriw shólkeminde boldı Teatr dóretiwshi toparı “Juldızsha” atlı mektepke shekemgi bilimlendiriw shólkeminde kishkene tamashagóyler názerine koncert shou baǵdarlamasın inám etti.  

Teatr dóretiwshi jámááti Nókis qalasındaģı 32-sanlı ulıwma bilim beriw mektebi oqıwshıları názerine Sh.Pero avtorlıǵındaǵı “Qızıl qalpaqsha” spektaklin inam etti.

    Dóretiwshi toparımız Qaraózek rayonında jaylasqan 2-sanlı ulıwma bilim beriw mektebi hám 19-sanlı mektepke shekemgi bilimlendiriw shólkeminde bolıp, ıqlasbentlerimiz názerine N.Genjebekova avtorlıǵı hám saxnalastırıwındaǵı “Tazalıq densawlıq girewi ” spektaklin inam etti.  

#Teatr_Shomanay_rayonında Teatr jámáátimiz Shomanay rayonındaģı mektepke shekemgi bilimlendiriw shólkemlerinde bolıp, M.G.Palivanova qálemine tiyisli bolǵan “Ayıwdıń kewilli balaları” spektaklin tamashagóyler názerine inam etti. Tamashagóyler spektakldi úlken qızıǵıwshılıq hám quwanısh penen tamashaladı,qahramanlarǵa mehir menen qarap, qaharmanlar menen birge quwandı,oynadı, úyrendi. Júzlerdegi kúlki, kózlerdegi ushqın – bul biziń eń úlken sıylıǵımız!