Category Archives: Jańalıqlar

Qaraqalpaq mámleketlik Quwırshaq teatrı dóretiwshi toparı Ándijan wálayatında gastrol saparında

Qaraqalpaq mámleketlik Quwırshaq teatrı dóretiwshi toparı Ándijan wálayatında gastrol saparında Teatr dóretiwshileri Ándijan wálayatı Quwırshaq teatrında bolıp, kishkene tamashagóyler itibarına “Qızıl qalpaqsha” spektaklin inam etti. Sonday-aq, Qaraqalpaq mámleketlik Quwırshaq teatrı direktorı U.Mambetaliev hám teatr dóretiwshi toparı, Ándijan wálayatı Quwırshaq teatrı dóretiwshi toparı ortasında dóretiwshilik tájiriybe almasıw hám óz-ara birge islesiwdi rawajlandırıw boyınsha ushırasıw bolıp ótti.… Read More »

“Mádeniyat hám kórkem óner pidayısı” kókirek belgisi iyesi

XOSH XABAR! 15-aprel – Mádeniyat hám kórkem óner xızmetkerleri kúni múnásibeti menen Ózbekstan Respublikası Mádeniyat ministrliginiń “Mádeniyat hám kórkem óner pidayısı” kókirek belgisi Qaraqalpaqstan Respublikası Mádeniyat ministri B.Temirbaev tárepinen Qaraqalpaq mámleketlik Quwırshaq teatrınıń saxnalastırıwshı rejissyorı Begimova Elenora Muratovnaǵa saltanatlı túrde tapsırıldı. Kásiplesimizdi qızǵın qutlıqlaymız, aldaǵı dóretiwshilik jumısında úlken tabıslar hám áwmetler tileymiz!

Samarqandta “Ámir Temur tulǵası saxnada” respublikalıq teatrlar festivalı

#Teatr_festivalı Samarqandta “Ámir Temur tulǵası saxnada” respublikalıq teatrlar festivalı sheńberinde “Ámir Temur hám temuriyler dáwri lipasları” atamasındaǵı kóshe seyili bolıp ótti. Kóshe seyilinde respublikamızdıń túrli aymaqlarınan kelgen teatr jámáátleri Ámir Temur hám temuriyler dáwiriniń tariyxıy ruwxın, ruwxıy qúdiretin hám názik estetikalıq talǵamın ózinde jámlegen lipaslarda kórsetti.

Teatr tamashaları 6-kún

🌈#Teatr_tamashaları_6_kún Qaraqalpaq mámleketlik Quwırshaq teatrında hápteliktiń altınshı kúni joqarı keypiyatta ótkerildi. Tamashagóyler názerine teatrlastırılǵan tamasha baǵdarlaması, teatr saxnasında bolsa “Shapan àpsanası ” spektakli biypúl inam etildi.  

“Teatr tamashaları hápteligi”niń ekinshi kúninde súwretlew óneri boyınsha “Keleshekke sayaxat” atlı tańlaw ótkerildi

🏆#Súwretshilik_tańlawı 🎨#Keleshekke_sayaxat Ózbekstan Respublikası Prezidentiniń 2018-jıl 28-noyabr sánesindegi “Milliy mádeniyattı jáne de rawajlandırıw konsepsiyasın tastıyıqlaw haqqında”ǵı PQ-4038-sanlı qararınıń orınlanıwın támiyinlew máqsetinde Qaraqalpaq mámleketlik quwırshaq teatrında “Teatr tamashaları hápteligi”niń ekinshi kúninde súwretlew óneri boyınsha “Keleshekke sayaxat” atlı tańlaw ótkerildi. Qaraqalpaq mámleketlik Quwırshaq teatrı direktorı U.Mambetaliev tańlawdı ashıp berip, qatnasıwshılar húrmet jarlıǵı hám sawǵalar menen sıylıqlandı.

Qaraqalpaq mámleketlik Quwırshaq teatrında “Teatr tamashaları hápteligi” baslandı

🌈1-KÚN #teatr_tamashaları_hápteligi Q Ózbekstan Respublikası Prezidentiniń 2018-jıl 28-noyabrdegi PQ 4038-sanlı hám de 2022-jıl 2-fevraldaǵı 112-sanlı PQ-Qarar orınlawları hám de Ózbekstan Respublikası Mádeniyat ministrligi buyrıǵı menen turaqlı túrde 21-27-mart kúnleri ótkerilip kiyatırǵan “Teatr tamashaları hápteligi” sheńberinde Qaraqalpaq mámleketlik Quwırshaq teatrınıń spektakller tamashası baslandı. “Teatr tamashaları hápteligi”niń birinshi kúninde kishkene tamashagóyler hám de ata-analar bayram tamashaları menen… Read More »