30-may kúni dóretiwshi toparımız QRDSSM Respublikalıq balalar kóp tarmaqlı medicina orayında bolıp, ol jerde emlenip atırǵan balalar hám olardıń ata-anaları názerine U.Qazaqbaeva avtorlıǵı hám saxnalastırıwındaǵı “Tatıw doslar” spektaklin inam etti.
Spektakl dawamında kishkene tamashagóyler ertek qaharmanları menen birge quwandı, kúldi hám olar menen birgelikte doslıq, miyrim-shápáát haqqında sabaq aldı.
Ata-analar bolsa balalardıń júzindegi kúlki, kózlerindegi quwanıshtı kórip, minnetdarshılıq bildirdi.
