Búgin teatr jámáátimiz Nókis qalasındaģı 47-sanlı mektepte bolıp, oqıwshılar hám ustazlar itibarına Y.Lada avtorlıģındaģı, I.Sadikov awdarması, F.Mirzayev saxnalastırıwındaģı “Sıyqırlı alma”spektaklin inam etti .
Kishkene tamashagóyler spektakldi úlken qızıǵıwshılıq hám tolqınlanıw menen tamashaladı – hár bir saxna, hár bir obraz olardıń qálbinen orın aldı.
Dóretiwshilik ushırasıw jıllı ortalıqta ótti, oqıwshılar teatr álemine sayaxat etti, aktyorlar menen janlı pikirlesti hám kórkem ónerge bolǵan qızıǵıwshılıǵı jáne de arttı.
Kórkem ónerdi jas áwlad qálbine jetkeriw – biz ushın maqtanısh!
Teatrımız jámááti mektep jámáátine shın júrekten qabıllaǵanı hám mehir ushın tereń minnetdarshılıq bildiredi!