M.Begimovtıń avtorlıģı hám saxnalastırıwındaǵı “Qırıq qız” spektakli haqqında

By | Monday March 17th, 2025

#Qırıq_qız

Qaraqalpaq xalıq dástanları arasında “Qırıq qız” eń úlken dástanlardıń biri esaplanadı. Bas qaharman Gúlayımnıń mártligi bastırıp kelgen hár qanday dushpanǵa qarsı shıǵıwı quwırshaqlar arqalı tamashagóylerge kórsetip beriledi.
M.Begimovtıń avtorlıģı hám saxnalastırıwındaǵı “Qırıq qız” spektaklinde balalarda watan tuyǵısın rawajlandırıwǵa ayrıqsha itibar berilgen. Spektakldıń mazmunı hám waqıyaları balalarda óz milliy qádiriyatların ańlaw hám olarǵa bolǵan húrmetti arttırıwǵa xızmet etedi. “Qırıq qız” spektaklinde, tiykarınan, hayal-qızlar obrazları arqalı watandı qorǵaw hám oǵan pidayılıq kórsetiledi. Bul balalarda watandı qorǵaw ushın gúresiw hám pidayılıqtı qádirlew sezimin rawajlandıradı.
Qızlardıń watan ushın gúresiwi, watandı qorǵaw jolında kórsetilgen mártlikleri balalarda juwapkershilik sezimin oyatadı. Balalar bul qaharmanlardıń iskerligin baqlay otırıp, óz watanına xızmet etiw hám onı qorǵawdıń áhmiyetin túsinedi.