#Sayaxat
💐#Bayram_sawǵası
Qaraqalpaq mámleketlik quwırshaq teatrı hayal-qızları “8-mart – Xalıq aralıq hayal-qızlar kúni” múnásibeti menen hám ishki turizmdi rawajlandırıw maqsetinde teatr direktorı U.Mambetaliev basshılıǵında Xorezm wálayatında sayaxatta boldı.
Bul sayaxat tek ǵana dóretiwshilik emes, al mádeniy hám tariyxıy jaqtan da oǵada bay hám mazmunlı boldı.
Sayaxat dawamında teatr jámááti Xorezm wálayatı quwırshaq teatrınıń taza imaratına barıw, qalanıń biytákirar arxitekturalıq estelikleri, áyyemgi tariyxın úyreniw imkaniyatına iye boldı. Sayaxattıń tiykarǵı maqseti – kórkem óner hám mádeniyatqa bolǵan qızıǵıwshılıqtı arttırıw, sonday-aq, 8-mart bayramın mazmunlı ótkeriw edi. Bul ózine tán waqıya teatr hayal-qızları ushın úlken tásir qaldırdı hám este qalarlı kún boldı.
