5-mart kúni Qaraqalpaq mámleketlik Quwırshaq teatrında 2024-jılı orınlanǵan jumıslar boyınsha esabat tapsırıldı hám teatr kásiplik awqamı komitetiniń baslıǵı saylawı ótkerildi.
Ilajda teatrdıń ótken jıl dawamında ámelge asırǵan jumısları haqqında tolıq maǵlıwmat berildi. 2024-jılı teatrda ámelge asırılǵan joybarlar, dóretiwshilik qollanbalar hám ulıwma rawajlanıw processleri qatnasıwshılarǵa tanıstırıldı.
Esabattan soń, Ózbekstan Mádeniyat sport hám turizm xızmetkerleri kásiplik awqamı Qaraqalpaqstan Respublikası birlesken komiteti baslıģı Ayapov Jeńisbay Jarılkaganovich penen birgelikte teatr kásiplik awqamı komitetiniń baslıǵın saylaw procesi baslandı. Xızmetkerlerge óz erkin tańlawların ámelge asırıw imkaniyatı berildi, hám nátiyjede Esemuratova Sayora teatr kásiplik awqamı komitetiniń baslıǵı bolıp saylandı.
