“Mádeniyat hám kórkem óner pidayısı” kókirek nıshanı hám
“Alǵıs-2024” jıldıń eń belsendilerin sıylıqlaw máresimi ótkerildi
22-23-yanvar kúnleri aralgında Ózbekstan Respublikası mádeniyat ministri Ozodbek Nazarbekov xızmet saparı menen Qaraqalpaqstan Respublikasında bolıwı rejelestirilgen. Xızmet saparınıń birinshi kúninde, yaǵnıy, 22-yanvar kúni Qaraqalpaqstan Respublikasında nàtiyjeli jumıs alıp barıp atırǵan taraw wákilleriniń bir toparına “Mádeniyat hám kórkem óner pidayısı” kókrek nıshanın hám de “Alǵıs―2024” sıylıǵın saltanatlı tapsırıw máresimi bolıp ótti. Ilajda Qaraqalpaq mámleketlik Quwırshaq teatrınıń
I dárejeli aktyorları Kulimov Paraxat Jamalovich “Mádeniyat hám kórkem óner pidayısı” kókirek nıshanı menen, Serjanov Orazbek Orınbasarovich “Jıldıń eń belsendi teatr aktyorı” nominaciyası menen sıylıqlandı.
Kásipleslerimizdi teatrımız jámááti atınan qutlıqlaymız! Dóretiwshilik jolındaǵı mashaqatlı jumıslarında mártebeleri biyik bolıp, hámiyshe àwmet yar bolıwın tilep qalamız!
