Qaraqalpaq mámleketlik Quwırshaq teatrında ilimiy-ámeliy konferenciya bolıp ótti.
Usı jıldıń 18-dekabr kúni Qaraqalpaq mámleketlik Quwırshaq teatrında “Biziń teatr” atlı ilimiy-ámeliy konferenciya hám koncert baģdarlaması bolıp ótti.
Ilimiy-ámeliy konferenciyanı Qaraqalpaq mámleketlik Quwırshaq teatrı direktorı U.Mambetaliev hám kórkem basshısı N.Genjebekovalar ashıp berip, teatr jetiskenlikleri haqqında atap ótti.
Ilajda Ózbekstan mámleketlik kórkem óner hám mádeniyat institutı Nókis filialınıń aģa oqıtıwshısı J.Xojanov “Quwırshaq teatrınıń dramaturgiyası” , Ózbekstan mámleketlik kórkem óner hám mádeniyat institutı Nókis filialı docenti N.Primbetovalarģa “Teatrda birinshi perdeniń ashılıwı” temasında bayanlaw ushın sóz berildi.
Soń teatr dóretiwshi toparı tárepinen koncert baģdarlaması qatnasıwshılardıń dıqqatına usınıldı.
