Qaraqalpaq mámleketlik Quwırshaq teatrınıń shet el saparı juwmaqlanıp elemizge qayttı.

Qaraqalpaq mámleketlik Quwırshaq teatrınıń shet el saparı juwmaqlanıp elemizge qayttı.

Qaraqalpaq mámleketlik Quwırshaq teatrı hám Qazaqstan Respublikası Almatı qalasınıń Mámleketlik Quwırshaq teatrı arasında birge islesiw boyınsha memorandum dúzilgen edi.

Memorandum boyınsha eki táreptiń quwırshaq teatrları arasında dóretiwshilik baylanıslardı, sonday-aq, rejissyorlar,aktyor hám xudojniklerdiń óz-ara tájiriybe almasıwın jolg’a qoyıw, quwırshaq teatrlarınıń gastrol saparların ámelge asırıw rejelestirgen edi.

Imzalanģan memorandumģa muwapıq Qaraqalpaq mámleketlik Quwırshaq teatrı jámááti Qazaqstan Respublikasınıń Almatı qalasında dóretiwshilik saparda bolıp, teatr repertuarınan orın alģan N.Genjebekova avtorlıģı hám saxnalastırıwındaģı “Saray ishindegi sıyqır” teatrlastırılģan tamasha baģdarlamasın balalar názerine usındı.

Álbette, shet el teatrları menen ornatılģan baylanıslar teatrımız kórkem ónerin rawajlandırıwģa xızmet eteri sózsiz.