Ózbekistan Respublikası Qaraqalpaq mámleket quwırshaq teatrı direktorı Usmanatdin Mambetaliev 2023 jıl 31 iyul kúni Turkiya Respublikasında dóretiwshilik xızmet saparında bolıp, Turkiya Respublikasınıń Istambul qalasındaǵı Cengiz Özek Gölge atındaǵı quwırshaq teatrı direktorı C. Özek menen rásmiy Memorandumǵa qol qoydı. Usı Memorandumga tiykarlanıp eki mámleket quwırshaq teatrları ortasında turaqlı sheriklik jolǵa qoyılıp, bunda rejissyorlar, aktyorlar, súwretshiler almasıwı hám barlıq dóretiwshilik tarawdaǵı jónelisler boyınsha sheriklik ámelge asırılıp, hár eki mámlekette bolatuǵın xalıq aralıq festivallarga usınıs etiledi. Bunnan tısqarı Qaraqalpaq mámleket quwırshaq teatrı dóretiwshi jámááti Turkiya Respublikasınıń qalalarında, Turkiya Respublikasınıń quwırshaq teatrı Ózbekistan Respublikası qalalarında gastrol saparlarında bolıwı názerde tutılǵan.
