Ózbekistan Respublikası Qaraqalpaq mámleketlik quwırshaq teatrı direktorı Usmanatdin Mambetaliev 2023 jıl 29 iyul kúni Gruziya Respublikasında dóretiwshilik xızmet saparında bolıp, Gruziya Respublikasınıń Tbilisi qalasındaǵı Gruziya mámleketlik professional quwırshaq teatrları birlespesi direktorı N. Sabashvili menen rásmiy Memorandumǵa qol qoydı. Memorandumga eki mámleket quwırshaq teatrları ortasında turaqlı sheriklik jolga qoyılıp, bunda rejissyorlar almasıwı, aktyorlar hám súwretshiler almasıwı, barlıq dóretiwshilik tarawdaǵı jónelisler boyınsha sheriklik ámelge asırılıp, Gruziya Respublikasında hám Ózbekistan Respublikasında bolatuǵın xalıq aralıq festivallariga usınıs etiledi. Bunnan tısqarı Qaraqalpaq mámleketlik quwırshaq teatrı dóretiwshi jámááti Gruziya Respublikasınıń qalalarında, Gruziya Respublikasınıń quwırshaq teatrı Ózbekistan Respublikası qalalarında gastrol saparlarında bolıwı názerde tutılǵan.
