Turkiya Respublikasi Istanbul shahrida o‘tkazilgan 25 Xalqaro Istanbul qo‘g‘irchoq festivalida Qoraqalpoq davlat qo‘g‘irchoq teatri ijodiy jamoasi Nasiba Genjebekova tomonidan sahnalashtirilgan “Saroy ichidagi sehr” nomli teatrlashtirilgan tomoshasi bilan ishtirok etdi. Ushbu festival har yili dunyo bo’ylab qo‘g‘irchoq teatri ijodkorlari va muhlislari uchun eng nufuzli tadbirlardan biri hisoblanadi. “Saroy ichidagi sehr” tomosha dasturi zamonaviy sahna san’ati orqali jonlantirishga asoslangan. Qoraqalpoq davlat qo‘g‘irchoq teatri jamoasi ushbu xalqaro maydonda o‘zining noyob san’atini namoyish etish orqali nafaqat milliy madaniyatimizni dunyoga tanitdi, balki xalqaro hamjamiyatda o‘zbek qo‘g‘irchoq teatri san’atining obro‘sini yanada oshirdi. Festival doirasida turli mamlakatlardan kelgan san’atkorlar bilan tajriba almashish, yangi hamkorlik aloqalarini o’rnatish va madaniy muloqotni kengaytirish imkoniyati yaratildi.
