Ōzbekiston Respublikasi Prezidentining 2022-yil 2-fevral sanasidagi “Madaniyat va san’at sohasini yana da rivojlantirish bo’yicha qo’shimcha chora-tadbirlar haqida”gi PQ-112-sonli qaroriga muvofiq “15-aprel Madaniyat va san’at xodimlari kuni” deb belgilanishi munosabati bilan 2022-yil 15-aprel kuni Qoraqalpoq davlat qōǵirchoq teatrida teatrlashtirilgan konsert dasturi o’tkazildi. Teatrlashtirilgan tomoshalar, spektakllardan qisqa ko’rinishlar va kuy-navoga to’la konsert dasturi tashrif buyurgan teatr ixlosmandlariga manzur bo’ldi. Bayram munosabati bilan ko’p yillardan buyon teatrda faoliyat yuritib kelayotgan bir qancha teatrning fidoyi xodimlari Qoraqalpoǵiston Respublikasi Madaniyat vazirligi va Qoraqalpoq davlat qōǵirchoq teatrining “Fahriy yorliǵi” va sovǵalar bilan taqdirlandi.
