Áyne máwritlerde Qaraqalpaq mámleketlik Quwırshaq teatrı saxnasında tamashaygóylerimiz názerine G.Nurillaeva qálemine tiyisli, E.Begimova tárepinen saxnalastırılǵan “Miynettiń jemisi” spektakli inam etilmekte.
Qaraqalpaq mámleketlik Quwırshaq teatrı dóretiwshi toparı Ándijan wálayatında gastrol saparında Teatr dóretiwshileri Ándijan wálayatı Quwırshaq teatrında bolıp, kishkene tamashagóyler itibarına “Qızıl qalpaqsha” spektaklin inam etti. Sonday-aq, Qaraqalpaq mámleketlik Quwırshaq teatrı direktorı U.Mambetaliev hám teatr dóretiwshi toparı, Ándijan wálayatı Quwırshaq teatrı dóretiwshi toparı ortasında dóretiwshilik tájiriybe almasıw hám óz-ara birge islesiwdi rawajlandırıw boyınsha ushırasıw bolıp ótti.… Read More »
Búgin Qaraqalpaq mámleketlik Quwırshaq teatrına Buxara wálayatı Quwırshaq teatrı dóretiwshi toparı keldi Teatr jáámatımız miymanlardı qosıqlar hám shou baǵdarlamaları menen kútip aldi. Bunday dóretiwshilik ushırasıwlar teatr kórkem óneriniń rawajlanıwına, milliy mádeniyatımızdıń jáne de bayıwına xızmet etedi.
Dóretiwshi toparımız “Juldızsha” atlı mektepke shekemgi bilimlendiriw shólkeminde boldı Teatr dóretiwshi toparı “Juldızsha” atlı mektepke shekemgi bilimlendiriw shólkeminde kishkene tamashagóyler názerine koncert shou baǵdarlamasın inám etti.
XOSH XABAR! 15-aprel – Mádeniyat hám kórkem óner xızmetkerleri kúni múnásibeti menen Ózbekstan Respublikası Mádeniyat ministrliginiń “Mádeniyat hám kórkem óner pidayısı” kókirek belgisi Qaraqalpaqstan Respublikası Mádeniyat ministri B.Temirbaev tárepinen Qaraqalpaq mámleketlik Quwırshaq teatrınıń saxnalastırıwshı rejissyorı Begimova Elenora Muratovnaǵa saltanatlı túrde tapsırıldı. Kásiplesimizdi qızǵın qutlıqlaymız, aldaǵı dóretiwshilik jumısında úlken tabıslar hám áwmetler tileymiz!
Teatr dóretiwshi jámááti Nókis qalasındaģı 32-sanlı ulıwma bilim beriw mektebi oqıwshıları názerine Sh.Pero avtorlıǵındaǵı “Qızıl qalpaqsha” spektaklin inam etti.
#Onlayn_qabıllaw Usı jıldıń 22-aprel kúni saat 11:00 de Qaraqalpaq mámleketlik Quwırshaq teatrı direktorı Usmanatdin Mambetaliev basshılıǵında telegram messenjerinde (t.me/KKkukla_teatr) onlayn qabıllaw bolıp ótedi.
Qaraqalpaq mámleketlik Quwırshaq teatrında Y.Lada avtorlıǵındaǵı, F.Mirzaev saxnalastırǵan “Sıyqırlı alma” spektakli Qońırat rayonındaǵı mektepke shekemgi bilimlendiriw shólkemlerindegi tamashagóyler itibarına usınıldı.
#Teatr_festivalı Samarqandta “Ámir Temur tulǵası saxnada” respublikalıq teatrlar festivalı sheńberinde “Ámir Temur hám temuriyler dáwri lipasları” atamasındaǵı kóshe seyili bolıp ótti. Kóshe seyilinde respublikamızdıń túrli aymaqlarınan kelgen teatr jámáátleri Ámir Temur hám temuriyler dáwiriniń tariyxıy ruwxın, ruwxıy qúdiretin hám názik estetikalıq talǵamın ózinde jámlegen lipaslarda kórsetti.