Áziz watanlaslar, qádirli doslar!
Búgin biz áhmiyetli sánelerden biri – 1-dekabr Qaraqalpaq tiline mámleketlik til biyligi berilgen kúndi úlken maqtanısh hám sheksiz húrmet penen belgileymiz.
Til – xalıqtıń ruwxı hám biybaha baylıǵı bolıp esaplanadı. Qaraqalpaq tili bolsa ásirler dawamında ata-babalarımızdıń danalıǵı, mádeniyatı, úrp-ádetleri hám kórkem ónerin áwladtan-áwladqa jetkerip kiyatırǵan biybaha miyras bolıp esaplanadı.
Áziz watanlaslar!
Sizlerdi usı qutlı bayram menen shın júrekten qutlıqlayman. Ana tilimiz rawajlanıp, xalqımızdıń birligi hám awızbirshiligin bekkemlewde hámiyshe bekkem súyenish bolıp qalsın.
Bayramıńız múbárek bolsın!
Húrmet penen
Qaraqalpaq mámleketlik
Quwırshaq teatrı direktorı
Mambetaliev Usmanatdin