Qaraqalpaq mámleketlik quwırshaq teatrı jámááti Qanlıkólli kishkene tamashagóyler itibarına “Doslar” spektaklin usındı.
Mazmunı jaǵınan qızıqlı, tárbiyalıq áhmiyetke iye bolǵan bul spektakl arqalı balalarǵa doslıqtıń qádiri, óz-ara miyrim-shápáát hám járdem beriwdiń áhmiyeti joqarı kórkem formada jetkerildi.
Spektaklde ráńbáreń quwırshaqlar, janlı muzıkalar hám házilge bay saxnalar balalardıń kewlinde quwanısh oyattı.
Tamashagóyler tárepinen jıllı kútip alınǵan “Doslar” spektakli teatr jámáátiniń sheberligi, dóretiwshiligi hám jas áwladtı jaqsı ideyalarda tárbiyalawǵa bolǵan itibarın ayqın kórsetti.
