Qaraqalpaq mámleketlik Quwırshaq teatrı jámááti 15-aprel «Mádeniyat hám kórkem óner xızmetkerleri kúni» múnásibeti menen Qaraqalpaqstan Respublikası teleradiokanalı màmleketlik mákemesi tárepinen minnetdarshılıq xatı menen sıylıqlanadı.
Qaraqalpaqstan Respublikası teleradiokanalı màmleketlik mákemesi direktorı Q.Bekbawliyevqa hám televideniye jámáátine
minnetdarshılıǵımızdı bildiremiz. Teatrımızdıń jumısına kórsetken itibarıńız hám bergen joqarı bahańız biz ushın úlken ruwxıy kúsh baģıshlaydı.
Kórkem óner hám mádeniyat tarawına bolǵan mehrińiz, dóretiwshilerge kórsetip atırǵan qollap-quwatlawıńız bizdi jańa jetiskenliklerge, tamashagóylerimizge jáne de sapalı dóretiwshilik ónimler usınıwǵa iytermeleydi.
Shın júrekten itibarıńız hám turaqlı birge islesiwińiz ushın sizlerge úlken minnetdarshılıq bildiremiz.
