Húrmetli watanlaslar!
Sizlerdi Ózbekstan Respublikası Konstituciyasınıń 32 jıllıǵı múnásibeti menen shın júrekten qutlıqlaymız. Elimizdiń páráwan hám abat turmıs keshiriwi ushın keń imkaniyatlar esigin ashıp beriwshi Bas nızamımız bul – Konstituciya bolıp, ol ádillik hám hadallıq principleri tiykarında jaratılǵan.
Azat hám abat watanımızda kamalǵa kelip atırǵan jas áwladtıń qálbinde teatr hám kórkem óner tarawına degen qızıǵıwshılıq hám súyispenshilikti oyatıw – biziń tiykarǵı wazıypamız.
Sonday eken, biz bul úlken juwapkershilikti tereń sezingen halda teatr hám kórkem óner mádeniyatın ele de rawajlandırıwǵa birgelikte háreket etiwimiz tiyis. Mine usı ullı maqset jolında birge qádem basar ekenbiz, bayram múnásibeti menen bársheńizge tawsılmas kúsh-jiger hám dóretiwshilik ilham-yosh, shańaraǵıńızǵa tınıshlıq-awızbirshilik hám bereket tileymiz.
Húrmet penen
Usmanatdin Mambetaliev
Qaraqalpaq mámleketlik quwırshaq teatr direktorı