Ana tilimizdiń qáddi tik, qádiri bálent bolsın!
Til hárbir millettiń úlken baylıg’ı. Onda usı tildiń dóretiwshisi bolg’an xalıqtıń tariyxı sáwlelenedi.
Bıyıl qaraqalpaq tiline mámleketlik til biyligi berilgenine 35 jıl toldı.Usı qutlı sáne menen bársheńizdi shın júrekten qutlıqlayman.
Qaraqalpaq tiline mámleketlik til biyliginiń beriliwi xalqımızdıń ózligin ańlawı, ǵárezsiz turmısta ómir súriwi hám ata-babalardan miyras bolıp kiyatırǵan milliy miyraslarımız, qádiriyatlarımızdı qásterlep-saqlap, keleshek áwladlarǵa jetkerip beriwdey ullı iste taslanǵan áhmiyetli, tariyxıy qádem boldı.
Sizlerdi jáne bir márte bayram múnasibeti menen qutlıqlap,bársheńizge bekkem densawlıq,shańaraqlarıńızg’a amanlıq,elimiz tınısh, aspanımız ashıq bolıwın tileymen.
Usmanatdin Mambetaliev
Qaraqalpaq mámleketlik Quwırshaq teatrı direktorı