Ózbekistan Respublikası Qaraqalpaq mámleketlik quwırshaq teatrı direktorı Usmanatdin Mambetaliev usı kúnlerde Qırǵızıstan Respublikasında saparda bolıp, Qırǵızıstan Respublikasınıń Bishkek qalasındaǵı Qırǵızıstan mámleketlik M.Janǵaziev atındaǵı quwırshaq teatrı direktorı B.CH.Kulanbaev penen rásmiy Memorandumǵa qol qoydı. Memorandumga eki mámleket quwırshaq teatrları ortasında turaqlı sheriklik jolga qoyılıp, bunda rejissyorlar , aktyorlar hám súwretshiler almasıwı, barlıq dóretiwshilik tarawdaǵı jónelisler boyınsha sheriklik ámelge asırılıp, Qırǵızıstan Respublikasında hám Ózbekistan Respublikasında bolatuǵın xalıq aralıq festivallariga usınıs etiledi. Bunnan tısqarı Qaraqalpaq mámleketlik quwırshaq teatrı dóretiwshi jámááti Qırǵızıstan Respublikasınıń qalalarında, Qırǵızıstan Respublikasınıń quwırshaq teatrı Ózbekistan Respublikası qalalarında gastrol saparlarında bolıwı názerde tutılǵan.