Qaraqalpaq mámleketlik quwırshaq teatrında 2024-jıl 19-sentyabr kúni Ózbekstan Respublikasınıń 2024-jıl 5-iyun kúni qabıl etilgen ÓRQ-931-son “Mápler soqlıǵısıwı haqqında” nızamı menen tanıstırıp ótiw mazmunında jıynalıs bolıp ótti. Jıynalıstı teatr direktorı U.Mambetaliev ashıp berdi hám teatr xızmetkerleri arasında korrupsiya illetine jol qoymaw hám mápler soqlıǵısıwınıń aldın alıw boyınsha bir qatar túsinik hám eskertuwler berip ótti. Korrupsiyaǵa qarsı gúresiw boyınsha juwapker xızmetker Z.Tulepova teatr xızmetkerlerin korrupsiyaǵa qarsı gúresiw hám mápler soqlıǵısıwı boyınsha jáne de tereńirek túsinikke iye bolıwı ushın imkaniyat jaratatuǵın párman hám qararlardın derekleri menen tanıstırıp ótti hám teatr jámáátine Ózbekstan Respublikasınıń “Mápler soqlıǵısıwı haqqında” nızamı kórsetip ótilgen bukletler tarqatıldı.
