Qaraqalpaq mámleketlik quwırshaq teatrında búgin 22-mart kúni “Teatr tamashaları hápteligi”niń ekinshi kúni teatr imaratınıń aldında assisent rejissyor G.Dalieva tárepinen saxnalastırılǵan “Xosh keldiń báhárim, xosh keldiń Nawrız” atlı teatrlastırılǵan konsert shou tamasha baǵdarlaması menen baslandı hám teatr direktorı U.Mambetaliev jıynalǵan tamashagóylerge qımbatlı waqıtların ajıratıp teatrǵa kelgeni ushın úlken minnetdarshılıq bildirdi. Oyın-zawıqqa tolı bayram kewil-keypiyatın úlesken konsert shou baǵdarlamasınan soń teatr ıqlasbentleri teatr zalına mirát etildi hám olardıń názerine teatr saxnalastırıwshı rejissyorı M.Begimov avtorlıǵındaǵı Sh.Oxunov tárepinen mámleketlik buyırtpa tiykarında saxnalastırılǵan “Shapan ápsanası” spektakli inam etildi.
