Ózbekstan Respublikası Prezidenti basshılıǵında 2023-jıl 22-dekabr kúni ótkerilgen Respublika Ruwxıylıq hám Aǵartıwshılıq keńesi májlisiniń 50-sanlı bayanı hám Qaraqalpaqstan Respublikası Ministrler Keńesiniń 2024-jıl 8-yanvardaǵı 01-08/10-01/9-sanlı bayanında belgilengen wazıypalardıń orınlanıwın támiyinlew boyınsha shólkemlestirilgen “Teatr kúni” ilajları sheńberinde Qaraqalpaq mámleketlik quwırshaq teatrı 2024-jıl 6-mart kúni Shımbay rayonında №16,25-sanlı mekteplerde mektep oqıwshılarınıń názerine Ulmeken Qazaqbaeva saxnalastırıwındaǵı “Maqtanshaq qoraz” teatrlastırılǵan tamasha baǵdarlamasın usındı hám teatr ıqlasbentleri dóretiwshi jámáátke bayram keypiyatın inam etiwshi tamasha baǵdarlaması ushın tereń minnetdarshılıq bildirdi. Teatr saxnasında Ulmeken Qazaqbaeva avtorlıǵındaǵı hám saxnalastırıwındaǵı bir qatar spektakller hám teatrlastırılǵan tamasha baǵdarlamaları teatr ıqlasbentleriniń názerine usınılıp, joqarı keypiyatta tamasha etildi. “Qarańǵılıqtan nur izlep” spektakli, “Qar balanıń sıyqırlı qońırawı”, “Maqtanshaq qoraz”, “Tatıw doslar” atlı teatrlastırılǵan tamasha baǵdarlamaları quwırshaq teatr tamashagóyleriniń eń súyikli saxnalıq kórinislerine aylandı desek arzıydı.
