2023-jıl 28-dekabr kúni Qaraqalpaq mámleketlik quwırshaq teatrında teatr jámáátiniń Jańa jıl bayramına baǵıshlanǵan saltanatlı bayram keshesi bolıp ótti. Bayram keshesin teatr direktorı U.Mambetaliev ashıp berdi hám bársheni kirip kiyatırǵan jańa jıl menen qutlıqladı. Keshe dawamında teatrda uzaq jıllardan berli pidayı miynet etip kıyatırǵan bir qatar teatr xızmetkerleri jıl dawamında kórsetken nátiyjeli xızmetleri ushın “Húrmet jarlıǵı” hám qımbatbahalı sawǵalar menen sıylıqlandı hám teatr xızmetkerleriniń shańaraq aǵzaları hám perzentleriniń názerine teatr saxnasında Jańa jıl bayramı múnásibeti menen U.Qazaqbaeva saxnalastırıwındaǵı jańa jıl bayramına baǵıshlanǵan “Jańa jıl ertegi” atlı teatrlastırılǵan koncert shou baǵdarlaması inam etildi. Bayram keshesi joqarı kewil-keypiyatta oyın-zawıq penen ótkerildi.
