2023-jıl 27-dekabr kúni Qaraqalpaq mámleketlik quwırshaq teatrı saxnasında jańa spektakl tamashagóyler názerine inam etildi. M.Begimov avtorlıǵındaǵı X.Oxunov tárepinen mámleketlik buyırtpa tiykarında saxnalastırılǵan “Shapan ápsanası” spektakli teatr ıqlasbentleri ushın úlken jańalıq boldı. Spektaklde tiykarɪnan qaraqalpaq xalıq milliyligi, milliy kóylek hám shapanlarɪ, onda tigilgen naĝɪslardɪń kelip shɪĝɪwɪ hám onɪń tariyxɪ bizge shekem qalay saqlanĝanlɪĝɪ hám de keleshek áwladqa miyras etip qaldɪrɪw sóz etiledi. Spektakl kempir apasɪ aqlɪq qɪzɪna qaraqalpaq xalɪq awizeki ápsanalarɪnan shapan hám onɪń kelip shɪĝɪwı, onɪń naĝɪslarɪnɪń tariyxɪn aytɪp beriwden baslanadɪ. Qarashaxtɪń balasɪ awɪr dártke shalɪnɪp, onɪ jalmawɪz Mástan sɪyqɪrlɪ shapan tigilip, shaxzadaĝa kiydirilse, ólimnen aman qalɪwɪn aytadɪ. Bul xabardɪ esitken sol elde jasawshɪ qɪz hár tu’rli gu’llerden shapan tigip, Qarashaxtɪń balasɪn ólimnen aman alɪp qaladɪ. Áne sonnan berli bul shapan ápsanasɪ awladtan-awladqa jetip kelmekte.
