2022-jıldıń 11-may sánesinde Qaraqalpaq mámleketlik quwırshaq teatrında G.Nurıllaeva avtorlıǵındaǵı I.Djumaniyazova tárepinen saxnalastırılǵan «Ertekler jaqsılıqqa jetekler» spektakliniń premyerası bolıp ótti. Teatr repertuarınan orın alıp atırǵan jańa spektakl teatr ıqlasbentleri ushın úlken sawǵa boldı. Premyera sońında tamashagóyler teatr jámáátin jańa spektakl menen qutlıqlap, aldaǵı dóretiwshilik jumıslarında tasqın tabıslar tiledi.
